اجعلنا صفحتك الرئيسية

الاثنين، 4 أبريل 2011

يوميات مندوب دعايه






البطل:
واحد خريج اى كليه علميه فيها كيماء طب ماشى صيدله لذيذ علوم ميضرش بيطري ليه لا؟

مشهد واحد : عياده دكتور نصف نصف مش شعبى ولا استاف جامعه
استاف يعنى دكتور فى الجامعه شايف نفسه ومالى العياده شهادات
ويدخل المندوب العياده

مندوب واقف ومريض بيسأله
بتشتغل ايه يا ابنى ؟
مش شايف الشنطه يا حاج ؟مندوب دعايه
ااه من اللى بيلفو على البيوت دول وتبيعوا لبس ولعب للبيوت طب شكلك محترم يعنى وبتفك الخط
ولابس بدله وشنطه كمان ليه كده
يا حاج لا : مندوب دعايه طبيه ادويه يعنى بزور الدكاتره وبس نديهم عينات ادويه ونعرفهم بيه
الرجل: هو انتم منكم لله ده بستنى عند الدكتور بالساعات عشانكم بيدخلوكم الاول .الاقى معاك دواء للضغط يا بنى؟ وهديك برده اللى عايزة انفعك
المندوب: شايفنى ببيع انا ؟لا مش معايه مع السلامه!
راح المندوب لل اسيستانت
الاسيستانت : دلع اللى بتستقبل المرضى عند الدكتور
سيب الكارت واستنى شويه
المندوب : كتير؟ معلشا ورايه زيارات تانيه متدخلينى
الاسيستانت : بتبص من فوق لتحت :همم معاك ادويه ايه؟مفيش شامبو ؟ ولا اقولك مضاد حيوى للواد الصغير عنده برد

المندوب : خدى القلم دة وهجيب لك دوى لحماده المره الجايه يلا بقى مستعجل لسه فى تانى زياره

الاسيستانت: طيب هتدخل يلا تعالى معايه
الدكتور: ايوة يابنى بتبيعو ايه الناهرده
المندوب:يادكتور كل خير انا معايه ويفتح البروشور
للى ميعرفوش :بروشور ده ورق فيه كلام عن الدواء يتقدم للدكتور مصيره يافوق المكتب يا فى الزباله

الدكتور: بقولك ايه سيب العينات احسن خلى لك البروشور عندى منه كتير وهكتب لك يلا سلام العياده زحمه يابنى وورايه فرح ابن خاله عمى

المندوب:بابتسامه عريض :شكرا يا دكتور على السبورت بتاع حضرتك مع الف سلامه وفى رعايه الوطن

يخرج المندوب مسرعا ليلحق بزياره اخرى : يخبط فى مريضه
وتقوم المريضه بسؤال للمندوب
يادكتور بقولك ايه الدواء ده بكام؟ :المندوب: اسئلى يا ستى الصيديلى ! ويسأل نفسه ؟انا ليه مدخلتش تجاره ؟ منك لله يا اللى كنت السبب
كان زمانى محترم على مكتب ...
طبعا دى نظرة بعض من عناصر المجتمع للمندوب و دى نظرة المندوب للوظيفة 
احببت ان افتتح المدونه بهذه القصة التى تحدث يوميا معانا فى العمل و من خلال هذه المدونه سنتبادل الخبرات والاراء حول تتطوير هذه الوظيفة و النهوض بها يتبع

هناك تعليق واحد: